Ua ioeina e se alii moliaga o le fasiotia o se pepe ma le faaoo manu’a i le isi e ala i le lē ano poo le tuulafoa’ia o mana’oga o ia fanau mo se umi a itiiti mai, o se aso atoa.
Fai mai le 9News o Andrew William Campbell e 45 tausaga lea ua molia ma o le a amata lona faamasinoga i le Faamasinoga Maualuga i Kuiniselani.
Ua ia ioe i le moliaga o le fasioti tagata pa’ivalea i le pepe e 8 masina o Dexter Wilton ae o le tinā o le pepe e 38 tausaga ua ioe foi i le fasioti tagata pa’ivalea i lea lava mataupu.
O paramedics na mauaina le tino maliu o si pepe lea i se fale i Ipswich i le 2019 ma sa feta’ua’ina o lē ua molia sa nonofo faatasi ai ma le pepe i le fale lea i le taimi na tupu ai le faalavelave.
O loo faatalia la le lauina o le faasalaga i lea mataupu.
E lē o ta’ua i le lipoti le sootaga o lē na molia i nai tamaiti na aafia.
Puna o Faamatalaga: https://amp.9news.com.au/article/4f0ebe9a-7543-4a59-849e-73d517e5fee9
