Ose aso o le vaiaso nei ua fuafua le faiaoga o le SilverFerns Dame Noeline Taurua e sainia ai le faaopopoga o lana konekarate ile netipolo e oo atu ai I le ipu o le lalolagi ile 2023.

O loo iai pea le konekarate a Noeline seia aulia Fepuali o le tausaga fou ae ua toe tuuina ane se ofo e toe faaopoopo ai mai le Netipolo a Niu Sila. Fai mai a ia pe a ma le 2-3 tausaga lea o le a tapena ai le au mo leisi ipu o le lalolagi e sosoo mai.

Taua e le tamaitai faiaoga e tele lava se galuega e ao ona faatino mo tapenaga nei ae ose mataupu e manaomia ona galulue faatasi ai le faiaoga ma tamaitai taaalo. O loo fuafua le Netball NZ e talimalo I taaloga uma o le Constellation Cup ile tausaga fou faasaga I le Diamonds I le amataga o le tausaga fou. O loo faatali le asosi I se faatagana mai le malo ina ia faataga ai ona malaga mai le diamonds a Ausetalia I niusila nei.