O le faleoloa aupito telē o le Kmart ua lipotia o le a tatalaina i Aukilani i le 2026.
Ua agiga i lipoti a le One News o lea faleoloa o le a faatuina i Westgate ma e 6,700 sikuea mita lona telē i le nofoaga o le Maki Place Retail Centre i Westgate, o le Kmart aupito telē lea i Niu Sila, e telē atu nai lo le faleoloa i Manukau.
Faailoa se saunoaga a le Ofisa Sili o le Kmart i Ausetalia ma Niu Sila, John Gualtieri o le tatalaina o sea faleoloa o le faamaoniga lea o le sootaga malosi a le Kmart ma le aufaatau i Niu Sila aemaise i se taimi o loo feagai ai tagata ma le siitaga i le tau o le soifuaga, o le maua o ni oloa lelei i se tau maualalo, e tāua tele i tagata faatau.
Faailoa e silia ma le 240 avanoa faigaluega o le a maua ai ma o le faleoloa lona 28 lea o le kamupani ua tatalaina i Niu Sila.
