O loo fesoasoani nei le Oranga Tamariki i leoleo i le suesuega o le uma o le ola o se pepe i North Canterbury.

Faamaonia mai i lipoti a le Stuff i le taeao analeila o le pepe na uma lona ola i se fale i Oxford i le Aso Gafua o le vaiaso nei ma e lei mafai ona faamatalaina e leoleo nisi faamatalaga auiliili o lea mataupu i lea taimi.

I le lipoti lea a le Stuff ua ta’ua ai e talitonuina sa iai ni popolega sa laga muamua aga’i i le Oranga Tamariki e faatatau i le pepe ma o le asō la e pei ona ta’ua i le lipoti ua faailoa ai e le sui Ofisa Sili o le faalapotopotoga, Rachel Leota na logoina lo latou ofisa i le mataupu lea i le pepe i le Aso Gafua ma o loo latou fesoasoani nei i le suesuega a leoleo ma e lē o fia faia ai nisi faamatalaga ona o loo faagasolo le suesuega.

Ua lipotia foi e lē o fia talanoa ane lē e ana le fale na maua iai le pepe ina ua fesiligia e le tusitala o lea lipoti.

Puna o Faamatalaga: https://www.stuff.co.nz/nz-news/350370032/oranga-tamariki-assisting-police-investigation-babys-death