O se tausaga tāua lenei i le Matagaluega o Leoleo, Falepuipui ma le Toe Fuataina, ona o le taligamalo a Samoa i le fono a taitai o Malo o le Taupulega ma ana tapenaga i le puipuiga o taitai o le a malaga mai ma a latou usugafono, aemaise o le a malaga mai ma le Tupu o Peretania ma lana Masiofo o le faaao o Malo o le Taupulega.
O le Aso Tofi o lenei vaiaso e pei ona faailoa ai e le matagaluega, ua faia ai ni faata’ita’iga e faatino ai tiute o leoleo i le taimi o le fono a Malo o le Taupulega lea ua faatulaga o le masina o Oketopa o le tausaga nei e tauaofia ai i lo tatou atunuu lea faatasiga tele faavaomalo.
O le a agai tonu ia faataitaiga i le faatinoga o le itu i le puipuiga i le feaveaiina o malo faapitoa mai le taulaga o Apia agai atu i Tuanaimato.
Ua fautuaina ai le atunuu ia aua ne’i faapopoleina ai a o faatino ia faataitaiga.
O le autu o lea gaioiga o le a faia i se tulaga faata’ita’i poo se trial ina ia malupuipuia Malo valaaulia o le a malaga mai mo lea fonotaga o le a faalauiloa ai ma Samoa i le lalolagi.
