Na faaleagaina e le masini sua palapala le fibre autū i le va o Whangarei ma Dargaville, ma ua leai se eletise mo le faitau afe o aiga i le itumalo o Kaipara.
O se faamaoniga lenei mai le sooupu a le Northpower, ma o le cable ua faaleagaina e alu atu ai le eletise i tagata Dargaville, Ruawai, Paparoa ma Maungaturoto.
Pe tusa o le itula e 8 ananafi lea na amata motusia mai ai, ma i lipoti e silia ma le 2,070 paaga ua aafia ai, ma na tapunia faamalosi ai ma nisi o pisinisi.
Ua ta’ua mai ai foi i tala a le 1News le faafaigatā o faatauga na iai i le aso ananafi ona o lea na tele ina motusia uma masini eftpos, ma toe foi ai e faaaogā tupe pepa.
E tuufaatasia tala o le taeao o loo faaauau pea galuega a le auinisinia e toe faaleleia.
Puna o Faamatalaga: Thousands without internet after digger hits Northland fibre cable
