Mai Adelaide ua faia se moliaga o le taupulepule e fasioti i se alii talavou e 18 tausaga le matua ona o se faalavelave na tupu i se fale i le itu i Matu o Adelaide.
Fai mai leoleo poo le te’a o le 6 i le afiafi ananafi na maua atu ai ni lipoti o se vevesi ma sa maua atu ai i le fale na aga’i atu iai, se alii e 34 tausaga sa iai ona manu’aga foliga na tatui e se tasi.
Aveina atu lē na aafia i le falema’i ae pu’e ai e leoleo le alii 18 tausaga lea mai Campbelltown ma molia i le taupulepule e fasioti.
Na ta’ua e leoleo e masani alii e to’alua o loo aofia i lenei mataupu ma e lē o se faalavelave na te’i ua tupu.
O loo faaauau le su’esu’ega ae ua teena le tatala i tua o le 18 tausaga lea e tula’i i le faamasinoga i Adelaide i le aoauli nei.
Puna o Faamatalaga: https://www.google.com/amp/s/amp.9news.com.au/article/e86e7670-64e0-49a9-b8e7-206963aa9e61
