Ua sau le faatonuga mai le pulenuu o Hamilton i lana aufaigaluega e vaavaai i nisi auala e faasao mai ai tupe ma ia fesoasoani i le soona tuu i luga o rates.
O lea ua fofola mai e le puleganuu a Hamilton le 19.9% siitaga o rates i lalo o lana Long-Term plan.
Peitai ua uma faatalanoaga na tatala ai le avanoa i tagata lautele ma o le toatele ua faaali finagalo ua maualuga tele lea siitaga ma i saunoaga a le pulenuu Paula Southgate, o loo matuai manino lava e lē gafatia e tagata aemaise lava i latou e lē maualuluga tupe maua.
Ua ae ai se tofa i le pulenuu e faatalosaga lana aufaigaluega e galulue e vaavaai nisi polokalame ma poloketi e mafai ona toe fesuia’i pe tolopo ai.
O lea ua faamuta le avanoa na faaulu ai finagalo tusitusia, talia finagalo faaleo i le mataupu lava lenei e tasi e amatalia i le aso a taeao mo le lua aso.
A mae’a lea ona faatoa toe fono lea o le puleganuu ma talanoa e iloa ai rates mo le isi tausaga o i luma lea e amata faitau mai le masina o Iulai.
Puna o Faamatalaga: Hamilton rates rises draw in flood of feedback from community – NZ Herald
