Ua faatonu e le minisita o tupe, Nicola Willis le faia o se iloiloga i le tulaga o iai tauvaga a faletupe i Niu Sila, e taulai i nuu i tua.
O lea ua tusi le minisita i le komiti o Finance and Primary Production i lona manatu, e moomia le malosi o le faatauva o faletupe i Niu Sila ma o se tasi foi lea o maliega i le va o le National ma le pati a le New Zealand First.
Ua finau Willis, e tāua le tapu’e o le tamaoaiga i nuu i tua ma o nuu foi i tua o loo iai le toatele o le aufailafumanu.
O se iloiloga o le a tāpā ai foi le fesoasoani a le faletupe tutotonu, komisi o pisinisi faapea le FMA, Financial Markets Authority.
O itu o loo moomia ai e le minisita ni tali, o le tauvaga a faletupe i nuu i tua, o pisinisi ma le faiga o nonogatupe faapea pa pupuni o loo faafaigata ai le tauvaga ma aafia ai ma le agavaa o tagata.
Puna o Faamatalaga: Government orders banking inquiry with focus on rural services | Newshub
