Ua tali le aulakapi a tamaitai le Manusina i le tapua’iga a le atunuu i lona faato’ilalo o le ‘au malosi a tamaitai o le Australia A i ‘ai e 20 i le 17.
O le faato’ā toe faia lea o se taaloga faavaomalo a le Manusina i lo tatou atunuu talu mai le tausaga e 2019.
O lea ua sauniuni ma tapenapena le faia’oga ma le pulega i le taamilosaga i Dubai o le a tausinio ai le Manusina, ma o le vaiaso faai’u o le masina nei e amata faagasolo ai lea taamilosaga.
