O se faifaatoaga ma lana pisinisi ua faasala e totogi le $98,000 ona o lona kiliaina o le lata i le 10 hectares o le togavao ma faatau e fai ma fafie, togavao mai le Maruia Valley i le South Island.
Fai mai o le Hamish Reith and Ealing Farm Ltd na lauiloa lona faasalaga lea i le Faamasinoga Faaitumalo i Nelson ona o moliaga e fā sa feagai ma latou ua solia ai le tulafono, Resource management Act sa o latou faatino ai le gaioiga lea i totonu o le 7 tausaga.
Na mafua ona iloa le togavao ua kiliaina ona o se suesuega sa faia i le 2022 ma lipotia ane ai loa le mataupu i le Council.
Sa faatino suesuega ma oo ai loa le mataupu i le faamasinoga ma faailoa ai e le loia a le pisinisi ua molia ua iloa e lana client le mea sese sa ia faatino ma ua lagona le matuā masiasi ma ua faatoese foi.
O le 90 pasene o le faasalaga o le a totogi agai i le Tasman District Council ma le isi vaegatupe e totogi mo le lipoti sa sailia e le Council atoa ma le tau o le faamasinoga.
Puna o Faamatalaga: https://www.1news.co.nz/2024/07/17/farmer-fined-98k-after-clearing-native-bush-to-sell-as-firewood
