E lē o ogatasi le faamoemoega o le malo ia una’i le faitau afe o loo maua penefiti i galuega ae e le’i uma le 2030, ma le āluga o loo iai nei.
Ua ta’utino le Palemia o Niu Sila, Christopher Luxon ananafi e lē o faigofie ma o lea ua faia ai isi auala e fesoasoani ai i tagata e sa’ili galuega.
O fesoasoani nei e lē gata o le faaopoopo o iloiloga e tatau ona faia, ae faapea ai ma le iai o le fesoasoani mo tagata ta’ito’atasi e fesoasoani ai e su’e le galuega.
I faamaumauga e silia ma le 200,000 tagata Niu Sila o lea e maua le penefiti o le Jobseeker Benefit, ma o lea foi na faamautinoa mai e le malo ananafi e 8,000 isi tagata faaopoopo na faamauina i totonu o le tolu masina talu ai.
A toe tepa i sini a le malo na faailoa mai i le amataga o le tausaga o lea e mana’o ia uma ane le 2030 ua oese le isi 50,000 mai le penefiti lenei a le Jobseeker, e foliga mai e lē taunuu ma ua fai mai ai le Palemia, e faigatā na tupu.
Puna o Faamatalaga: Number of people on Jobseeker benefit shoots up
