E 6 isi cases fou o le ituaiga ole Delta Variant lea ua faamaonia mai nei I totonu o Aukilani.
O le faaaliga talu ai nei e le palemia ma le faauluuluga o le matagaluegao le soifua maloloina Dr Ashley Bloomfield lea ua faamaonia mai ai ia faamatalaga.
Mai le toaono lea o loo aofia ai ma se tausisoifua mai le falemai I Aukilani ma ua galulue nei le matagaluega I le sailia o I latou sa ono fesootai ma le toaono lea ma e le o toe po se lilo I le atunuu, o lea ua mafua ai le tapu ua toe amatalia nei mo le atunuu atoa I lona vaega lona fa poo le level 4.
Ua faailoa e le palemia o le atunuu I le feiloaiga ma tusitala ole isi toalua lea na toe faaopoopo mulimuli atu nei e atoa iai le toaono, sa auai I se lotu I aukilani ma agai ai I se kalapu I le po o le aso Sa pei ona lipotia e le Herald.
O loo taua ole auso I laua ia. O lona uiga o le toaono pei ona taua e aofia ai le tausisoifua, le auso lea e toalua, o se faiaoga mai west Auckland faaopoopo atu ai ma isi tagata e toalua o flatmates a le auso lea.
O leisi flatmate lea o se tagata e faigaluega faatasi ma le tagata lea na aliae lona aafia I le aso ananafi ma mafua ai ona toe faia le tapu. E 58 tausaga mai Devonport ma ua faamaonia foi e iai sootaga mai suesuega taua o le genome sequencing, o le tagata lea ma le pepesi o le vairusi I Niu Sau Uelese.
Fai mai e tolu isi cases sa faamauina mai I nofoaga faanofoesea I le aso 1 o Iulai, I latou na malaga mai Niu Sau Uelese ma o loo suesueina pe iai se sootaga.
