O le sui premier o Kuiniselani o Cameron Dick na ia faatino ni sa’afi’afiga i si tina ma si ana tama lea na maliliu i se fale na mu i Logan i le afiafi ananafi. O le vaega a le tineimu na valaau ane i lea fale i Cypress street i Woodridge i le faatoa tea o le 6 ile afiafi, lipotia le sasao ane ai o se afi.
O se tina pe a male 80 tausaga ma lana tama pe 60 tausaga na maliliu ai i lea faalavelave. Lipotia e le 9news o le sui premier sa ia tuuina teufugalaau i le nofoaga sa iai le fale na mu ma ia faailoa i le au faasalalau o ia e masani i le tina ua maliu o se sui o lona itumalo mo tausaga e tele.
Na ia saunoa foi i le loto alofa o sea tina matua ma ona uiga malie ma o se tagata malosi foi. E le o taua i le lipoti le mafuaaga o le afi.
Puna o Faamatalaga: https://www.9news.com.au/national/logan-house-fire-mother-son-killed-in-woodridge-blaze/ffb505f3-cf0f-4036-b42e-a9bc661ae319
