Soifua ane I Samoa ma malaga mai ai mulimuli ane I Niu Sila ma faamanuiaina I se tasi o faailoga taua ona o lana auaunaga. Ose tulaga e faafiafiaina ai soo se tasi mae faapea foi I se tasi lea o alo o Samoa o Dennis Tommy pei ona lipotia I le televise a niusila ile vaiaso nei.
O Dennis Tommy ua faaigoaina ole airman of the year ile Air Force ona o lana auaunaga I le kilivaina o fesoasoani I le pasefika I le taimi o le faamai koviti 19.
Na ia faalia lona fiafia ma le agaga maualalo ile mauaina o sea faamanuaiga ona o le faatinoina o se auaunaga fai mai a ia e tatau ona faia. O le auaunaga sa faatino e kiliva ai fesoasoani mo Fiti ma Vanuatu I le maea ai o le afa o Harold.
Sa faapea foi ona amanaia I lona sao I le faatuina o le Base Auckland Pasifika Group lea e fesoasoani ai mo le pasefika I tulaga o le faalauteleina o le silafia mae fesoasoani foi I le komiuniti pasefika. Ole faamatalaga mai le faaululuga o le Air Force Air o Marshal Andrew Clark na ia taua ai o le faailoga ua mauaina e Tommy e tuuina I tagata ua faia se sao taua ile Air Force mae maualuga le tulaga ua iai le auaunaga a lea alo o Samoa.
