O taula’iga e 5 ua taula’i iai le fuafuaga a le Malo mo le faaleleia o le auaunaga e faatatau i le soifua maloloina o le mafaufau, ua faaataatia mai e le Malo i le vaiaso nei ae ua fuafua ai foi ma le tatalaina o talosaga i le faai’uga o le masina nei mo le Mental Health and Addiction Community Innovation Fund lea e 10 miliona ua faaagaga iai e le Malo.
O le Newshub ua lipotia ai le saunoaga a le minisita o loo feagai ma le auaunaga lea e aofia ai le Mental Health, Matt Doocey, o ia e naunau e kiliva ni i’uga lelei e maua ai ni suiga mo tagata Niu Sila.
O taula’iga la e lima e aofia ai le vave ona maua o avanoa i se fomai faapitoa tau gasegase o le mafaufau, mental health specialist, ia tatau ona ausia le 80 pasene o gasegase e manaomia lea fomai i totonu o le 3 vaiaso.
Ia vave maua avanoa o gasegase i auaunaga tau le soifua maloloina o le mafaufau ma faaaogā ai le polokalame o le Access and Choice i totonu o le vaiaso e tasi.
O le isi, ia faapupuu le taimi e taofia ai le gasegase i le emergency department ma ia faateleina le aofai o le aufaigaluega i lea auaunaga.
O le taula’iga lona lima ia faamalosia le silasila i auala e taofia ai ma vave ona iloa se tasi ua aafia i gasegase o le mafaufau ma vave ona faia iai se galuega.
Puna o Faamatalaga: https://www.newshub.co.nz/home/politics/2024/07/government-sets-five-mental-health-targets-as-10-million-mental-health-and-addiction-fund-set-to-open.html
