O le tagata e talitonuina o le aupito matua lea i Ausetalia ua faamanatu i le vaiaso nei le 110 o tausaga o lona soifua.

O le tina matua mai Ausetalia i Saute o Lorna Henstridge ua potopoto uma iai nai ona alo ma lona aiga e faamanatu lea taimi umi o le soifua i le asō ma na soifua ane i Adelaide i le 1914, lona uiga na soifua i taua uma e lua o le lalolagi aemaise foi faama’i poo pandemics na aafia ai le lalolagi.

O lana faamatalaga i le 9News na ia ta’ua ai lona fiafia ina ua aulia ia tausaga.

Fai mai o taeao uma e fai lana puzzle, fai si ana savali ma se ipu kofe e faatolu i le vaiaso ma lana tama matua ma sa taalo foi i ni taaloga a o talavou le soifua.

Fai mai a ia o le mea tāua o le faaaloalo i isi tagata ma taumafai e malamalama ma a’oina mai ni mea mai tagata uma.

O le tele o lona soifua sa iai i le itu i Saute o Ausetalia ma o loo aumau nei i se nofoaga e tausia ai le soifua i Bordertown.

Puna o Faamatalaga: https://www.9news.com.au/national/adelaide-news-australias-believed-oldest-woman-lorna-henstridge-turns-110/a91b8160-cf1f-4751-91e0-c3522548429f