Ua faamālōlō e le Swimming Australia le alii faia’oga o lana ‘au na ave i le Olimipeka talu ai nei o Michael Palfrey e mafua mai i ana faamatalaga sa faia i le taimi o ia taaloga i Paris.
Ua lipotia i le 9News sa ia faailoa ai i le aufaasalalau mai Korea o ia e faamoemoe e malo Kim Woo-min sa o la galulue faatasi i se taimi, ma ia malo i tama taaalo a Ausetalia o Elijah Winnington ma Sam Short pe a alu le tuuga o le 400 mita a alii.
Fai mai sa faataga e le asosi e faaauau pea ona faia’oga seia mae’a mai taaloga i Paris peitai la o lea ua faamae’a nei lana konekarate.
Ua faailoa e le Ofisa Sili o le Swimming Australia ua amata nei ona sailia se isi faia’oga fou mo Ausetalia.
E manatu le to’atele ua alagatatau le faai’uga auā e leai se faia’oga e tofi e ta’ita’i atu le ‘au a Ausetalia i taaloga ae alu atu tapua’i i ‘au a Korea i Saute.
Puna o Faamatalaga: https://www.nine.com.au/sport/olympics/paris-2024-news-michael-palfrey-sacked-by-swimming-australia-for-korea-comments-20240906-p5k8c8.html
