Ua oo atu i Samoa le faasologa o le pueina mai o lipoti o le tala o le tau a Ausetalia i le polokalame a le Alaata 7 le Sunrise e faia i taeao taitasi.

E matagofie folasaga ma le pueina mai o ata mai si o tatou atunuu ma faalauiloa mai ai ona laufanua lanulauava, tu ma aga a tagata aemaise i le itu tau taumafa.

Sa faaautu le polokalame a le alii faasalalau o Sam Mac i le asō i le faletalimalo o le Taumeasina ma faailoa ai ana tapenaga mo le agai atu o tulisi ma tagata tafafao i le atunuu.

E vaiaso atoa e faasalalau mai ai le Sunrise mai totonu o Samoa ma o se avanoa tāua e le gata ina sana faalauiloa ai le atunuu ae o le maimoa atu foi iai a le lalolagi i tu ma aga, faafiafiaga aemaise mataaga a le atunuu ma lona matagofie.