E iai ni ata o le taimi na mafuli ai se vaa i se vaitafe i le itu i Matu o NSW ma maliu ai le tagata e toatasi ma le isi na faamanu’alia ai.

Ua ta’ua i lipoti a le Alaata 9 i le asō o alii e toalua na taumafai e faafoe ese mai le vaa mai se vaega lamatia o le vaitafe ae sa’e ai le vaa i le vaitafe, Tweed River Bar e lata i Tweed Heads i le taeao o le Aso Toonai na te’a nei.

E toatolu nisi tagata na agai atu i jet ski e taumafai e laveai nai alii ia e toalua, aveesea mai ai le isi e 58 tausaga ma aveina atu i le falemai, ae o le isi e 56 tausaga na aveesea mai le helicopter peitai e lei manuia taumafaiga e faasaoina lona ola.

O tala mai leoleo ua ta’ua ai e lei faia ni o la ofu faaola i le taimi o le faalavelave ae o loo faagasolo pea le suesuega ma saunia se lipoti mo le coroner.

Ua toe faamanatu mai ai e leoleo le tāua tele o le faia o ofu faaola pe a agai i le sami poo vaitafe foi.

Puna o Faamatalaga: https://7news.com.au/news/footage-shows-moment-boat-flips-on-northern-nsw-river-killing-one-injuring-another-c-15355714