O loo iai le fuafuaga o le a tumau pea ona iai le National i Aukilani a o talitalia ai feutanaiga a vaega faaupufai e tolu o loo faaauau pea lava.
Ina ua fesiligia i le taeao nei le susuga Christopher Luxon pe o le a toso atu lava i le faaiuga o le vaiaso a latou feutanaiga, na ia saunoa ai o le a faaauau lava ae o loo ua iai ni tulaga lelei ua iai i nei talanoaga.
Fai mai le alii taitai o le naunautaiga lea o le National ina ia sauni le faigamalo i se tulaga malosi ma lelei ia oo atu lava lona malosi i le mae’a o le 3 tausaga e tulai mai i le faigamalo a Niu Sila.
