Uma atu le faaiuga o le vaiaso e leai se taunuuga lelei o talanoaga I le va o le soifua maloloina ma le asosi o Salaried Medical Specialists, ma ua faamaonia mai ai e oo lava le solo tetee a taeao.
Ta o le 12 I le aoauli a taeao faasolo atu I le ta o le lua o le a tetee ai le tusa ma le 5500 fomai ma fomai nifo e tasi selau, ma o I latou nei o loo galulue I falemai tetele faapea ai ma falemai I tua.
A uma le tetee a taeao lea ua mautinoa, ona toe foi mai le o le matagaluega o le soifua maloloina faapea le asosi mo isi talanoaga faaauau, ma afai ae leai lava o lona uiga o le a toe tetee foi I le Aso Lulu o le vaiaso fou.
250 taotoga ua maea faatulaga ua sau le tala o le a toe tolopo, faapea ai ma nisi o asiasiga a gasegase ua taua o outpatients o le a le mafai ona vaai I taimi nei o le tetee.
O le uluai taimi lenei ua faia ai se tetee a le asosi, ao valaau mai ai e si’i o latou totogi ina ia tutusa ma le Consumer Price Index.
