A o faagasolo ai tapenaga a le Malo o Samoa i le taligamalo tele i le fono a taitai o Malo o le Taupulega ia Oketopa o le tausaga fou, aemaise o loo sailia foi se tagata e avea ma sooupu poo se coordinator e ta’imua i tapenaga uma, ua iai le talitonuga o le Minisita o Galuega tetele ma le pulega o malaevaalele, e iai taitai o Malo ma latou usugafono o le a malaga mai lava i latou i o latou lava vaalele poo private Jets.

O le utiuti o avanoa e tutū ai ni vaalele se tele i le malaevaalele faavaomalo i Faleolo, ua silasila ai le Minisita le tofa Olo Afoa Fiti Vaai, i le faaaogā o le malaevaalele faavaomalo o Amerika Samoa.

O se faatalanoaga ma le Minisita o Galuega tetele ma pulega o malaevaalele na ia faailoa ai lea fuafuaga.

Le afioga i le Minisita o Galuega tetele ma pulega o malaevaalele, tofa Olo Afoa Fiti Vaai.