Far from over – e le’I uma – tautinoga nei e le o maluelue a le alii peresetene lona 45 o Amerika, Donald Trump
E le o taliaina e Trump ripoti ua salalau nei ua manumalo Joe Biden o le Democratic ma lana sui peresetene ia Kamala Harris
O Joe Biden lea sa sui peresetene ia Barack Obama, e 78 I le lua vaiaso o lumanai le matua o lona soifua afai ae faatauto I le tausaga fou le avea ma peresente lona 46 o Amerika, o lona uiga o ia le peresetene aupito I matua I le tala faasolopito o taitai o lea atunuu. A’o lana sui ia Kamala, e le gata o le uluai tamaitai sui peresetene ae faapea ai foi o le uluai tagata Amerika uliuli
Ao iai pea la Trump ma lona aiga I le fale paepae, ua tautino le alii peresetene o le a le malolo sei vagana ua faailoa le amiotonu e ala I lana tagi o le a tuuina atu I luma o le faamasinoga maualuga.
Ao faamanuia ai le toatele o taitai o malo mai soo se vaega o le lalolagi ia Biden ma Kamala ananafi, e le i malolo Trump I ana faamatalaga I luga o lana twitter account lea e na te tuuaia ai le au faasalalau I Amerika – e leai ma sesi e mo’I, atoa ai e le faatuatuaina le faia o palota a tagata ta-lafo atu I le pusa-meli lea e faapea o nisi o nei pepa palota e leiloa poo ai la e faatuatusi iai
O le fesili, o le a le suiga o le faigapalota a Amerika ma lana faigafilifilga ua iai nei agai atu I le aso 20 o Ianuari lea e tatau ona faatauto ai lana peresetene lona 46
