E le o le uluai taimi lea ua molia ai I laua ua faasa nei e le faamasinoga ona toe fagotaina paua mo le tolu tausaga
E lua mataupu e le fesootai na molia mai ai Ionatana Sasi, 51 tausaga ma Kelly Horowai Makoare o Lower Hutt ma Napier
O Ionatana na maua I le 2019 ma le 144 paua laiti e le I oo I le taimi e ono aveesea mai ai I Ueligitone, ae I totonu o lana atigitaga na maua ai le 156 paua, tusa lea ua silia ma le faasefulu lima ma le tapulaa faatulafonoina
O Ionatana o le faalua ai I totonu o le fa tausaga ua tulai ai I luma o le faamasinoga I le gaoiina o paua e tusa ma faamatalaga a le vaega o Primary Industries
Ae mo Kelly o le faalua ai lea ona faamaonia ona moliaga o le soona fagotaina o paua ma e le gata ua faasala tupe I le maea ioeina o le moliaga e tasi faasaga ia te ia ae ua faasa nei foi mo le tolu tausaga
Ua saunoa ai ma Steve Ham o le Primary Industries o se feau taua tele lea mo tagata uma e aua nei solia tulafono ua faia aua le faasaoina o le gataifale mo tagata uma
Ua faamalosi mai ai foi ma le sui o le matagaluega I tagata o le komiuniti o loo aumau latalata I le sami e ripoti atu i le ofisa tagata e ono masalomia o faia pea lea amio
