Ua aveesea faamalosi mai nei nisi o aiga Tairawhiti ma Hawke’s Bay i le taeao nei ona o le popolega ina ne’i lamatia soifua a o siisii ai le vai i Waipaoa.
O le ‘afa o le lua i le vaveao analeila lea o loo faamaonia mai e le Civil Defence a Tairawhiti na amata aveesea mai ai aiga nei ma o lea foi na iai leoleo e fesoasoani i le tusa ma le 700 tagata na aveesea mai.
Mo lo latou saogalemu o lea ua fautuaina e agai i nisi o o latou lava aiga e faamautu ai, poo le o i le marae ua tapena.
O galuega laveai nei na vave faia i le vaveao analeila ona o le popolega e ono lē mafai lava ona oese mai pe a oo i le 8 mita le maualuga o le Waipaoa River.
Ae i le Civil Defence a Hawke’s Bay, o lea foi o loo asia e leoleo fale o aiga o loo aafia ma faatalosaga le oese vave.
Ae i isi vaega o le East Coast e lei oo iai leoleo, o lea ua fautuaina, e aua le nofoa’i pe a iloa ua lē saogalemu.
Puna o Faamatalaga: Parts of East Coast evacuating as river levels rise overnight (1news.co.nz)
