E toafā na saisai mai e leoleo ananafi mai Manukau a o iai i leoleoga o le maliu o Hone Kay-Selwyn lea na auai ai le toatele o sui o kegi.
O Selwyn o ia lea na sue e leoleo i le mataupu lea na fana ai le isi alii i Ponsonby i Aukilani ma maliu ai, ma o lea lava na tulimataia e leoleo polokalame uma o le maliu talu mai le Aso Tofi o le vaiaso talu ai.
I se lipoti mai leoleo, o leoleoga nei ananafi na faia i le va o Otara ma le fanuatanu i Manukau ma o lea foi na iai ma leoleoga a le Police Air Support Unit.
O le toafā ua ave e leoleo na ave faatasi ma pasika e fā e fesootai ma nisi o soligatulafono i taimi ua te’a.
Puna o Faamatalaga: Four arrested as police monitor Ponsonby shooter’s funeral (1news.co.nz)
