Ua sami ma faamanatu i lenei masina o Oketopa le aso fanau o le Iupeli Auro poo le 50 tausaga talu ona faavae e le malo le faletupe o le atiina a’e o Samoa.

O se faletupe sa autū i fuafuaga a le malo ia lagolago atu i le atina’e o faato’aga, o faigafaiva, atina’e o tagata tafafao ma isi pisinisi laiti e ala i le faamatuu o nonogatupe e faagaioi ai ia atina’e auā se manuia o o tatou tagata ma le tamaoaiga o le atunuu.

O le aso muamua o Oketopa o le tausaga e 1974 na faavae ai lea faletupe ma e tele nofoaga sa faagaioia ai, e pei o Tauese i Apia, faapea le fale o Koki i Saleufi, ae o le taimi nei ua iai lona nofoaga tutotonu i le maota e fitu ona fogafale ua mae’a fausia i le nofoaga sa iai le ofisa o tupe a le malo i tausaga ua mavae faapea ma le matagaluega o le tamaoaiga.

O le faletua o le Sui o le Fono a Sui Tofia sa ia alaluaina le keke o le 50 tausaga o le faletupe o le atiina a’e o Samoa ae o le Minisita o Tupe le Afioga Lautimu’ia Afoa Uelese Vaai, o le saunoaga aami lea o le faailogaina o le iupeli auro o le faletupe.

O se vaega o le saunoaga autū a le Minisita o Tupe i le faailogaina o le 50 tausaga o le Faletupe o le Atiina a’e o Samoa.