O le asō e faatoese ai le malo i tagata na sauāina a o vaaia ai e le malo i tausaga ua mavae.
O le ‘afa o le sefulutasi i le taeao nei e faatoese aloa’ia ai le Palemia o Niu Sila, Christopher Luxon i le faitau afe o tagata Niu Sila na sauāina a o vaaia ai e le malo.
Ua lipotia o le to’atele o i latou nei na sauāina ua maliliu.
O se faatoesega o loo faia mai le maota o le Palemene ma e faatapulaa i le oo atu i le 250 tagata e mafai ona ulufale i le maota i le taimi e faatino ai lea faamoemoe.
I le laitiiti o le fuainumera o nofoa pe a faatusa i le to’atele o tagata na sauāina, o lea na faapalota ai tagata e ave iai nofoa, ma e iai nisi ua toe faailoa lo latou lē fiafia i le faia i le Palemene.
E lata i le 500 tagata o loo soifua mai pea o lea o le a maimoa i faasalalauga tuusa’o i Aukilani, Ueligitone ma Kalaiesetete.
E iai foi nisi e lē o fiafia i le malo ona e lē o amana’ia nisi o tagata o loo soifua mai pea lea ua aumau i atunuu mamao.
E ese mai le lē fiafia o tagata ta’ito’atasi na sauāina ae o lea ua lē maua ni nofoa e auai ai i le Palemene i le asō, ua faaalia foi e le National Network Ending Sexual Violence Together lona lē fiafia i le faai’uga ua iai nei e faia mai le Palemene le faatoesega.
E iai nisi ua toe molimau i tala a le leitio faavaomalo a Niu Sila o lea ua 50 tausaga o faatali i le malo e faatoese aloa’ia mai ona o sauāga na ui ai a o iai i lalo o vaavaaiga a le malo i tausaga ua mavae.
Puna o Faamatalaga: http://Survivors disappointed government chose to deliver abuse in care apology at Parliament | RNZ News
