O le malaga mai ai o lenei aumalaga i Samoa mai se tasi o falemata’aga i Siamani, le Uebersee Museum o loo faaalia ai nisi o measina a le atunuu faapea ai ma nisi atunuu o le Pasefika lea na faafeiloai e le Laumua o Suesuega o Mataupu tau Samoa i le Iunivesite Aoao o Samoa.
O lenei aumalaga o loo latou aumaia nisi o measina a le atunuu lea o le a faaalia i le faaaliga i se taimi oi luma.
O le fiafiaga i le faigapaaga a le Laumua o Suesuega o Mataupu tau Samoa ma lenei falemataaga o loo maua ai le avanoa e faalauiloaina measina a le atunuu e faapupula atu ai lana aganuu i soo se tafa o lenei lalolagi.
O le aso ananafi lea na asia ai e le aumalaga lenei le Falemata’aga o Samoa i Malifa e maimoa i measina o loo teuina i lenei nofoaga.
O lenei aumalaga o loo aofia ai le Faatonu o le falemata’aga Professor Dr. Wiebke Ahrndt ma na faailoa ai o le faaaliga o loo galulue ai o se vaega tāua mo Samoa i ana measina.
