O le numera 13 a le aulakapi faavaomalo a Aialani, le alo o Samoa ia Fua Leiofi Bundee Aki lea e silafia tele ia Buindee Aki, e toafā iai tama o le a taufaoina le taui o le tagata taalo o le tausaga a le taamilosaga a atunuu e ono, le Six Nations.
O lea taulealea mai Aukilani i Saute, sa faamauina le 144 mita le aofai o le mamao o lana tamoe faatautino i isi tama taaalo, ua faatulagaina ai, o se tama pito sili atu ona lelei nai lo se isi lava tama taalo i le taamilosaga, ma fesoasoani ai ia Aialani i le manumalo sosoo ai i le siamupini a le Six Nations.
