Ua taofia lē tumau e se tasi o faamasino i Amerika se vaega o fuafuaga a le alii Peresetene, Donald Trump ina ia taofia uma fesoasoani a le Feterale, federal aid.
Ta’ua i lipoti a le CNN ua faatonuina le ofisa o le paketi a le fale pa’epa’e ia taofia lē tumau fesoasoani ia a le Feterale i le Aso Gafua ma ua lipotia e ono aafia ai le faitau tiliona o tagata Amerika.
Fai mai lipoti ua faailoa le lē fiafia o tagata ma le popole i lea faai’uga ma o le faamasino o le Faamasinoga Faaitumalo a Amerika o Loren L Alikhan, ua ia taofia le faataunuuina o ia fuafuaga ma ua ia faaalia e lē o silafia e le malo le atoaga o aafiaga o polokalame o le a aafia i lea fuafuaga.
Fai mai le CNN e le’i leva ona faailoa le faai’uga lea a Trump ia taofia ia fesoasoani ae faila loa pepa faaletulafono e nisi e faasagatau ai i lea faai’uga.
Puna o Faamatalaga: https://www.google.com/amp/s/amp.cnn.com/cnn/2025/01/27/politics/white-house-pauses-federal-grants-loan-disbursement
