Mo le uluai taimi o le a faaaogā ai e supamaketi tekonolosi nei e faaaogā ai foliga i totonu o Niu Sila e iloa ai i latou e solitulafono.
O le asō e amata ai le trial 6 masina a le Foodstuffs i le North Island, ma e oo atu i le 25 PaknSave ma New World o le a faataitai ai.
Mai le sui o le pulega a le Foodstuffs i le North Island, ua faamauina le alu alu pea i luga o le tele o vesiga e aliae mai e aofia ai ma le fuainumera o tagata ua faasā mai a latou supamaketi peitai e lē faigofie ona iloa.
Ua fai mai ai o le mafuaaga lea o le tua i facial recognition technology poo le FRT ma ua faamautinoa mai ai foi e maualuga tele le tomai o lenei faiga faatekonolosi e iloa ai foliga tusa lava pe faaaogā matatioata, o lauulu faapipii pe ufiufi foi fofoga.
A o fai mai ai le Foodstuffs o le a malu pea faamaumauga o tagata faatau e lē fefaasoaa’i i tua, e lē o nofonofo filemu ai le Privacy Commissioner, Michael Webster ma ua ia fai mai ai o le a faia foi lana iloiloga a o faasolo le faataitaiga poo le trial a le Foodstuffs ua amata i le asō.
