Ua faamaonia mai e le Retail NZ o lea lava e lē misi le vaiaso ma le pisinisi tapuni.
I lipoti a le Centrix o loo iloa ai ua alu i luga i le 36% i le masina o Iulai le fuainumera o pisinisi ua gau, faatusa i le taimi lava lea o le tausaga talu ai.
O le fuainumera o pisinisi tapuni i le vaega o hospitality ua alu i luga i le 27%.
E 35% ua alu ai i luga pisinisi i le vaega o femalagaa’iga ae 9% ua alu ai i luga pisinisi e gafa ma le fauina o fale.
O le tele o pisinisi nei e aafia o pisinisi laiti.
Ae mai ia Mike Jones o le faletupe a le BNZ, e eseese lava aafiaga o pisinisi mai maketi ta’itasi e ui o matātā uma lea ua aafia.
O le vaai mamao a Jones, e ono faaauau ai pea faapea poo le isi 6 i le 9 masina.
Puna o Faamatalaga: Liquidation numbers soar as businesses ‘can’t hang on’ (1news.co.nz)
