E foliga mai ua le faitau vaiaso poo sina taimi puupuu lea o loo nonofo ai nisi I faletalimalo I lalo o le Emergency Housing ae ua silia ma le afa tausaga, pe tausaga foi

E latalata I le 800 tagata nonofo I faletalimalo mo le silia ma le 6 masina, ao nisi ua silia ma le tausaga o nonofo pea I faletalimalo I lalo o le fesoasoani o loo totogi e le malo tauala mai I le Emergency Housing

 O le Emergency Housing o se fesoasoani o loo totogiina ai e le malo faletalimalo e nonofo ai I latou o tau saili fale mautotogi, ma faamaumauga na tauaao e le Newshub o loo sau I totonu o le tolu masina faaiuina ia Tesema o le tausaga talu ai, e 1002 I latou sa nonofo I faletalimalo mo le tolu I le ono masina, ae 672 I latou sa nonofo I nei nofoaga mo le 6 masina ile tasi le tausaga, ae 120 I latou ua silia ma le tausaga

Ao upuai ai e itu agai le malo I tupe faaalu ma le umi o nonofo ai I latou nei, ua tali mai le tamaitai palemia, Jacinda Ardern, e sili atu lea na I lo le nofo I totonu o taavale