Ua molimauina i nisi o aoga i lenei vaitau le toatele o faiaoga ma tamaiti aoga ua lē oo atu i aoga ona o loo aafia a lē o le flu, faamaalili poo le koviti foi.
O nisi aoga ua faamalosia e tapunia pe faatulaga foi le aofai o tamaiti e aooga i aso taitasi ona o le lē lava o faiaoga ona o loo faagasegasea.
O loo tumau pea le faatulagana a le matagaluega o aoga o loo iai e ao ona ausia le 90 pasene o tamaiti e aooga i le aso ina ia faamauina ai le sologa lelei pea o a’oa’oga peitai i le taimi nei ua faigata ona ausia lea 90 pasene.
O le luitau tele o feagai ma aoga e pei ona lipotia e le One News o le sailiga foi lea o relievers a o feagai ai nisi o faiaoga ma gasegase aemaise lava i aoga i North Canterbury.
Puna o Faamatalaga: https://www.1news.co.nz/2024/06/27/schools-hit-by-winter-ills-say-90-attendance-is-impossible
