Ua aafia nisi o ofisa sinia tau le puipuiga a Ausetalia i osofaiga foi i luga o upega tafailagi, cyber attack a o iai i se faletalimalo i Singapore.
Ua lipotia e le 9News mai ia Me agai ia Iulai o le tausaga nei na gaoia mai ai faamatalaga mai faletalimalo e 8 i le Atu Asia e aofia ai ma le Five Star le Singapore Hotel lea sa faamautu iai le Sui Palemia, o le minisita foi o le puipuiga faatasi ai ma le sui mai le atunuu o Saina.
E faaopoopo atu i le faafitauli sa feagai ma le OPTUS i le vaiaso talu ai lea foi ua toe ta’ua mai i le asō le aafia o le tusa ma le 30 afe o paaga a le kamupani fai telefoni le Telstra.
Ua faailoa la e le sooupu mai le Matagaluega o le puipuiga ua o latou iloa le faaletonu ua tulai mai i le data breach e aofia ai le faletalimalo lea a le Shangi La ma o loo galulue nei ma le kamupani i le taofia o lea tulaga.
