E silia i le 284 afe tala le tupe na maua i le sailigatupe a le Manu Samoa i le faaiuga o le vaiaso na tea nei e TV ma se leitiofoni ma o loo galulue nei i latou uma na feagai ma lea faamoemoe i le aoina o foai.
Ua faailoa e le taitai malaga o le Manu Samoa le susuga Su’a Hesed Ieremia, e le gata o tapenaga mo le Ipu o le lalolagi o loo manaomia ai seleni ae faapea foi i tapenaga a isi aulakapi a le atunuu e pei o le Manuma.
Sa maua se avanoa e fesiligia ai le taitai malaga e tusa ai o le faamoemoe sa faatino ai le sailigatupe, ma le silasila mamao i tapenaga ua iai le tatou Manu Samoa mo le Ipu o le lalolagi lea ua toe fā masina ona faagasolo lea i Farani.
Se faatalanoaga ma le taitai malaga o le Manu Samoa le susuga Su’a Hesed Ieremia.
