O loo faaauau ona mālōlō fanau a le atunuu ona o le tuuaga umi ma le faamoemoe o le faai’uga o lenei masina e amata ona toe a’e uma ai mo lenei tausaga fou.
O le Kolisi maualuga a le Ekalesia Asofitu o le Toe Afio Mai i Lalovaea o le a feiloa’i fanau i le faaauauina o a’oa’oga o le 2025 ma masini sili ona mana’omia o computer laptops e 18 ua foa’i e se Samaria agalelei mai Seattle i Amerika.
O se tasi o faifeau o lea ekalesia e faamautū i le Iunaite Setete na faaauala iai le talosaga a le Pelesetene aoao o le Ekalesia Asofitu o le Toe Afio Mai mo se fesoasoani e pei ona maua ai ia masini tāua e faaaogā e fanau o lea kolisi.
O le Aso Lua o lenei vaiaso na tauaao ai e le Pelesetene ma sui o le ekalesia faapea le kolisi maualuga i Lalovaea lea foa’i e silia i le 200 afe tālā Amerika lona tau.
