A o loma tetee a iunivesite i le aso a taeao, e iai iunivesite lea ua aumai ofo o siitaga o totogi.
O tetee nei o loo ta’uta’u e tetee ai le tusa ma le 4,000 o tagata galulue i iunivesite a Aukilani, Massey, Canterbury ma Lincoln.
O tetee ua mafua ona o le lē taliaina o le talosaga a tagata galulue e tatau ona totogi mai i latou i luga atu o le living wage.
A o lata ai la i le aso o le tetee, o le tolu iunivesite mai le fā o loo fuafua e tetee lea ua ofo mai siitaga o totogi mai le 2 i le 3%.
O le iunivesite a Lincoln o lea ua ofo mai le 3% siitaga o totogi faapea alauni, o le iunivesite a Aukilani e 3% e amata totogi mai i le masina o Fepuari o le tausaga fou, ma le iunivesite a Massey e 2% lea ua ofo mai.
E lē o faailoa mai e le iunivesite a Canterbury pe fia lana ofo.
O siitaga ua tuuina mai e lē o mafai ona tali ai le talosaga a sui o le iuni lea na faatalosaga mo le siitaga e 6%.
Mo iunivesite a Victoria faapea Otago, o loo faaauau nei feutana’iga ma le iuni.
Puna o Faamatalaga: Universities facing strike action offering pay rises of 2-3 percent | RNZ News
