Ua tapunia nei le motorway e lata i New Plymouth a o taumafai leoleo e aveese mai i latou ua agai atu ma faatino a latou tetee faasaga i se tasi o poloketi tele tau auala i Taranaki.
Ua faailoa e le Waka Kotahi NZ Transport ua tapunia le state highway 3 i Mt Messenger i North Taranaki ma ua iai foi se faatuai i femalagaaiga.
Fai mai leoleo mai lava i le masina talu ai sa taumafai ai feutanaiga ma le kulupu lea ma sa tuuina foi iai e le Waka Kotahi se trespass notice.
O le latou tetee e agai i le poloketi lea fai mai e 280 miliona tala Niu Sila e faaalu ai, fai mai a latou o le auala fou lea o le a faaleaga ai laau ma togavao.
