E 9 masina ua faasala ai nei se alii sa galuega i le to’ese o Rimutaka, e nofo vaavaaia ai i le fale poo le vaega ua ta’ua o le home detention i lona avatu faananā ai o fuala’au faasāina ma ‘ava malosi i totonu o le falepuipui mo se tasi o pagota a o galue ai i Rimutaka.
Faamauina i ripoti mai le leitio faavaomalo a Niu Sila, na ia faatino ia gaioiga ae suia’i ai ma le maliega o faiga aiga tau feusua’iga tulou, (smuggling drugs and alcohol in exchange for sexual favours)
E tusa ai ma ripoti, e faapea o lenei mataupu e aofia ai se pagotā e igoa ia Wayne Te Awawa John Clarke ma se tama’ita’i, na ia sapalaiina ia vaega e aofia ai fuala’au faasāina o le GBL ma ‘ava malosi na avatu faananā e ala i ni faguinu suamalie poon soft drink bottles i le vaitaimi a o faia tapu ma vavao o le Koviti-19 i le tausaga 2020.
Na fa’aalia i totonu o le faamasinoga le fa’aaogaina ma le lē tatau, o lona tulaga o le auaunaga e faatino ai soligatulafono, ma ua avea ma tulaga ua lē faatuatuaina ai lona tagata e le lautele; ma lona avatu faananā ai o fuala’au faasāina e mata’utia ma ogaoga aafiaga a o faatino lana sifi.
O se vaega na fesiligia muamua ai o ia ae na ia tē’ena.
Na lē talia e le faamasino, o lē na tau’aveina le mataupu – Judge Peter Hobbs o le tatau ai ona māmā o se faasalaga i le alii ua molia, ae na ia faamanino le mata’utia ma le ogaoga o le faiga faaālātua o loo alia’e mai i le faatinoga o galuega i totonu o le to’ese
O lenei mataupu ua faalia o se tasi o faatumutumuga o se galuega tele a leoleo ua faaiogaina o le Operation Portia, o loo molimauina le faatino o su’esu’ega a le auaunaga, e aofia ai le oo atu i le 200 faatalanoaga poo interviews i le tulaga faaālātua ma le lē faamaoni o loo vaaia i totonu o falepuipui.
Toatele sui, o tagata galulue o falepuipui ua faasala, talu ai gaioiga lē taualoa ma le faaālātua ua oia tulaga o taiala ma aiaiga ma le faatuatuaina i le galuega.
Puna o Faamatalaga: https://www.rnz.co.nz/news/national/592404/rimutaka-prison-corruption-corrections-officer-sentenced-for-smuggling-drugs-and-alcohol-to-inmate
