E mata’utia se faalavelave tau taavale na alia’e mai i luga o le ala tele, o le State Highway 1 e lata ane i faaitu o Burnham, saute o Kalaiesitete. O se faalavelave ua māua ai le ogaoga tele o aafiaga ma manu’aga o se tasi.
I ripoti mai le NZ Herald na ta’ua ai o lenei faalavelave mata’utia na logoina i auaunaga o faalavelave tutupu faafuase’i a o le’i ‘afa le itula e 7 i le taeao analeila; ma na fa’aalia le galulue malosi ai o le vaega o tineimu ma faalavelave tutupu faafuasei e taumafai e aumai i fafo tagata na aafia; o le tasi mai le isi o taavale na lavea ma le tasi o tagata mai le isi o taavale.
Faamauina na tali le vaega o le Hato Hone St John ma le tele o fesoasoani, e pei o taavale falema’i (ambulances) faapea le helikopa.
O le tasi o tagata na lavea, na faanatinati ona avatu i le falema’i o Kalaiesitete, ma e fai lava sina ogaoga o manu’aga.
O loo tapunia pea auala i le va o Selwyn Lake Road and Telegraph Road, ma o loo iai auala e ui agai ai le toatele mo le au femalagaa’i mo faaitu i agai atu i matu ma saute.
Ta’ua le logoina ai o leoleo mo le latou galuega su’esu’e ma ua o latou fautuaina le toatele ina ia ‘alofia le agai atu i lea faaitu a o faasolo su’esu’ega i lenei mataupu.
Puna o Faamatalaga: https://www.nzherald.co.nz/nz/christchurch/serious-crash-south-of-christchurch-two-people-trapped-on-sh1-near-burnham/I5B3HVTDXRFL7JC7GB5ASGXGUY/
