O loo fesootai pea Amerika ma Iran e pei ona faailoa e se tasi sui o Amerika i le CNN.O lea ua amata le poloka na folafola e Amerika i le aso ananafi e faia i le Strait of Hormuz i vaa e agai atu ma agai ese mai ma uafu a Iran.
O le faamatalaga la e faapea o loo galulue nei sui o atunuu e lua mo se isi talanoaga e faia. Faailoa i lipoti lava a le CNN o le Failautusi o Amerika o Marco Rubio o le a auai ai i talanoaga i le va o Isaraelu ma Lepanona i le aso a taeao.
O ia talanoaga ua fuafua o le a faatalanoa ai se puipuiga mo tagata Isaraelu i le tuaoi i le itu i matu ma ia lagolago ai foi i le naunautaiga o le faigamalo a Lepanona ina ia toe pulea e latou i latou lava aemaise lava i tulaga faapolokiki.
O Isaraelu o loo tau ma le Hezbollah ae lē o Lepanona. I Iran ua lipotia e foliga mai e taufaalili ane le ofisa o lea malo i faamata’u o loo faia atu a Trump ma ua faaaoga nei le AI e faailoa ane ai o latou manatu ma upuia ai faamata’u a Trump.
A itiiti mai pe 15 vaa o le Navy a Amerika o loo iai nei i Sasa’e Tutotonu faapea ma vaalele tau e mata’ituina le poloka ua amataina nei.
Puna o Faamatalaga: https://edition.cnn.com/2026/04/13/world/live-news/iran-us-war-trump-hormuz
