Na faamavae mai le tauaveina o le tofi o le Komesina o Sulufaiga le tamaitai loia sinia le afioga Luamanuvao Katalaina Sapolu i le masina o Me o le tausaga e 2023 ona o mafuaaga tau i lona aiga ma toe taliu atu ai i Peretania o loo faamautu ai.
Peitai o se tala fiafia le filifilia ai o lea tama’ita’i Samoa i se isi tofiga maualuga o le Sui Failautusi o le Faalapotopotoga o atunuu Aferika, Kerepeane ma le Pasefika, poo le Organisation of African, Caribbean and Pacific States (OACPS).
Sa iai foi se isi tofiga sa galue ai o ia i Lonetona i Peretania a o le’i tofia e avea ma Komesina o Sulufaiga lea sa galue ai i le ofisa o malo o le taupulega ma faauluulu iai le vaega o mataupu tau tulafono. ]
Sa galue muamua foi i le ofisa o le Faalapotopotoga o atunuu Aferika, Kerepeane ma le Pasefika i Brussels i le tausaga 2012. Tele tausaga sa tautua ai o ia mo Samoa i le tomai faaloia.
