Ua faailoa e le Palemia o Ausetalia, Anthony Albanese o le a matua’i vaavaai lana faigāmalo i saunoaga e faatupu ai le ita ma faamanino ai e le Palemia o tulafono fou ua faatulaga o le a taula’i tonu ia i latou e faatupuina le ita i tagata, aemaise o fevaevaea’iga ma le faaosofia o isi e mulimulita’i i se talitonuga poo nisi ituaiga manatu.
Ua faailoa i le BBC o le a tuuina foi le malosi’aga i le minisita o le Home Affairs e faalēaogā ai pe teena se visa mo i latou e faatupuina lagona o le ita ma o le a faatūina foi se ‘au poo se taskforce e faamautinoa ai o le a tali lelei atu le itu tau a’oa’oga i faiga faasagatau ia Isaraelu poo tagata Iutaia.
Fai mai o tulafono fou ua faataatia mai o le a aofia ai foi ma faasalaga mo le au failauga ma ta’ita’i latou te faalauiloa tulaga i sauāga aemaise faamata’u i luga o upega tafa’ilagi.
Fai mai le Palemia, e soo se tagata Iutaia Ausetalia, e iai lana aiā tatau ia ona lagonaina lona saogalemu, faaaloalogia ma faatāua lona sao i le faaleleia o Ausetalia.
Puna o Faamatalaga: https://www.bbc.com/news/articles/cgmneem1e89o
