Ua fautuaina mai e le auaunaga a le Hato Hone St John lo latou talia ai o foma’i i luga o taavale foma’i mo fesoasoani muamua-o paramedics mai le malo o Wales, o i latou faatoa faau’u mai lo latou sa’ili galuega mai ai i totonu o Niu Sila nei.
E lei mamao atu lava ona tuuina atu ripoti e tusa ai ma faafitauli ua fetaia’i ma Wales i lenei vaitau, i le lē mafai ai e auaunaga ona faafaigaluegaina le toatele o ‘au faau’u i lenei tausaga talu tulaga faaletonu ua iai le tamaoaiga.
Ma fautuaina ai le sa’ili galuega o paramedics o lea atunuu i atunuu i fafo e aofia ma Niu Sila nei.
Ae ui o loo tuu avanoa e talosaga mai ai i le atunuu i latpu o loo saili galuega i lea matātā, ae o loo faailo ai tulaga o loo ave iai le faamuamua, e pei o ē ua telē le silafia i le galuega poo le ‘experience’.
Māua foi le ave o le faamuamua ia i latou o i le atunuu poo local, lona lua ai Ausetalia ona taga’i lea ia i latou mai i atunuu i fafo.
I ripoti mai le leitio faavaomalo a Niu Sila, e tusa ma le 50 avanoa o loo iai i le taimi nei, o le tele lava o avanoa i nuu i tua poo rural areas.
E tusa ai ma faamaumauga o femalaga’iga i galuega o loo moomia ai tagata e pei o lea galuega o se paramedics o loo i le faatulagaga aupito i luga – Green List Tier 1 role, o lona uiga e mafai e le tagata faigaluega mai lea vaega ona talosaga mo le nofomau poo le apply for residency i le Gagana Peretania.
Puna o Faamatalaga: https://www.rnz.co.nz/news/national/592373/st-john-invites-welsh-graduates-unable-to-find-work-to-reach-out
