Fai mai o loo malosi lava le faamoemoe o Amerika o le a iai se avanoa o se maliega e taunuu iai ma Iran. Fai mai le CNN o faamatalaga mai le falepa’epa’e ua taua e ui e foliga o Pakistan e ono faia ai talanoaga lona lua i le va o Amerika ma Iran ae ua faailoa e le Minisita o le Va i Fafo a Iran, Abbas Araghchi, o loo tumau pea foi le naunautaiga o Tehran mo se filemu i le maea o se fonotaga na faia ma le faauluuluga ole ami a Pakistan.
Ua faamata’u ane le militeri a Iran e faatatau i fela’ua’iga i le sami ‘ula’ula poo le Red Sea pe afai e fa’aauau pea le poloka a Amerika i uafu o Iran.
I se lipoti lata mai ia Isaraelu ma Lepanona ua mae’a talanoaga i le va o ia itu e lua ma ua lipotia o loo talanoa nei le Kapeneta a Isaraelu mo ni auala e taofia ai fetau’iga pei ona iai i lea itu o le lalolagi.
Puna o Faamatalaga: https://edition.cnn.com/2026/04/15/world/live-news/iran-war-blockade-us-trump?post-id=cmo0d3rrz000k3b65lxix31lq
