O le vaiaso leni faatino ai le faalauiloaina o suafa o tama’ita’i ua filifilia i i tulaga faitaulia o le pasiketipolo a tama’ita’i le WNBA Drafts, ma o lea na lotolotoi ai le suafa o le tama’ita’i Niu Sila, Charlisse Leger-Walker, e avea ma se tasi o sui o le ‘au a le Connecticut Sun a Amerika.
O se tasi lea o vaega tāua i taumafaiga o tama’ita’i faapea foi alii i lea taaloga i ona tulaga faapolofesa.
O le itu maoa’e i le maua ai o le avanoa o Charlisse Leger-Walker i tulaga o drafts nei, o le avea ai o ia ma uluai tama’ita’i mai Aotearoa nei ua ausia lea matati’a.
O lenei tama’ita’i o se alo o Samoa Maori ma o se e iai foi ona faasinomaga Tonga. Fa’aalia e lenei tamaitai le tāua tele o lenei avanoa, ma ia faasoa ai le tele avanoa mo tamaitai Niu Sila e ausia ai ia matatia.
Na fanau mai o ia i Hamilton ma na ola i se aiga e talenia i lenei lava taaloga o le pasiketipolo.
O le tausaga 2018 na amata ai ona taalo mo Niu Sila i taaloga o le Taupulega, ma avea ai o ia ma tagata taalo aupito i laitiiti na taalo mo le ‘au a le atunuu i le na o le 16 o ona tausaga. O Charlisse Leger-Walker e lona 6 iai sui o le ‘au o le UCLA na piki pe na filifilia i lenei faamoemoe.
