Ua faasala mo le 3 masina le alii o Shelvin Kavish Swamy o sē tasi sa avea ma Faatonu o Fuafuaga ma Galuega (Project Manager) mai Aukilani. O lenei 3 masina e vaoia ai lenei tagata mai le fealua’i atu i nofoaga e tapu aemaise lava taimi o lana sā, i le faaperetania ( a sentence that restricts an offender’s movements during their curfew).
Ina ua faamaonia moliaga o le taufaavalea, e pei ona faaalia i le ripoti mai le RNZ, e lata lava i le $30,000 le tupe na ia faavalea ai tagata ma i latou o ofisa o nonogātupe.
E faapea o ana talosaga i ia auaunaga e mo fesoasoani, aemaise o tulaga o iai le Koviti-19 i le taimi na alia’e mai ai aafiaga o le faama’i i le tausaga 2020.
I faamatalaga i lenei mataupu e faapea na ia talosaga mo se nonogatupe tauala mai se tasi o fuafuaga mo pisinisi laiti, e ui e na te lē ausia tulaga o aiaiga i le mauaina o ia tupe.
Faamauina na ia talosaga e faaaoga ai le pisinisi ua faaigoaina o le Swamy Investment Limited, ma o le mata’utia o lona faia o lea talosaga e ui e le o māua ni galuega o lenei pisinisi.
E mae’a ifo le 2 tausaga o gaioiga faasolitulafono o Shelvin ua oo atu i le $32,800 le tupe ua ia mauaina ma tuu i lalo o le igoa o se kamupani ua faaigoaina o le Northshore Plant Holdings Limited.
Ta’ua o le tele o lenei seleni na faaaluina i faatauga e pei o meaai taumafa, ma ‘ava malosi. Faailo e oo atu i le $28,351 le tupe na taulimaina ae e na lē tatau ona ia mauaina.
Faamanino e le sui o Ofisa o Tupe Maua poo le Inland Revenue, ua fa’aaoga ma le lē tatau e lenei alii polokalame na faatino mo fesoasoani o le Koviti-19
Ua faailo e le faamasino ia Judge Debra Anne Bell, e ui ua lē toe maua lona avanoa faigaluega o se faatonu o fuafuaga ma galuega mo galuega faufale, ae na maitauina lava le tulaga o lona tagata ma lona toe totogiina atu ai o le $24,000
Ua faamaonia ma faasala ai nei Shelvin ma ua faatonuina e le faamasinoga e totogi atu le $4351 o loo totoe.
Puna o Faamatalaga: https://www.rnz.co.nz/news/crime-and-justice/592539/auckland-project-manager-sentenced-for-defrauding-nearly-30-000-through-covid-schemes
